[Galeria] Irakasleen amesgaiztoak, desfilean
Haurtzaro Ikastolako ikasleek inauterietako desfilea egin dute gaur goizean. Ikasle talde batek mozorroen festa baliatu du, ustea zena publiko egiteko.
Irakaslee amesgaizto al dira? Gaur bai. Aerobik kirolariak, iratxoak, gentilak, Mari, artistak, Netflix-eko telesailetako protagonistak… Eta irakasleen amesgaiztoak. Oiartzungo Haurtzaro Ikastolako ikasleek inauterietako desfilea egin dute gaur goizean herritik, ikastolan hasi, herriko kaskoari bira eman, eta berriz ere ikastolara joanda.
Ikasle talde batek, inauteri giroa izaki, mezua zabaltzeko baliatu du desfilea, ‘Irakasleen amesgaiztoa’ pankartaren atzean pertsonai beldurgarriak bildu dira. Mozorrotuta behintzat, bai zirela izua eragiteko modukoak. Orain, irakasleei galdetu behar ea benetan amesgaiztoak dituzten ikasle horiek ikastolara normal joaten direnean. Gaur behintzat, desfilean artzain lana egiten izan diren irakasleek ez zuten izutu itxurarik. Kontuz, inauterietan itxurak eta errealitateak talka egiten baitute.
Ederki asko pasatu dute haurrek desfilean, norbere bere paperean sartu da. Inguruan, ikusle modura, senideak eta lagunak, uneak euren gailu elektronikoekin hartzen. Bada HITZAk ere hartu ditu desfilearen hainbat une. Honakoak dira, galerian:
