Roteta oiartzuarrak ere bai aurrera egin du pala txapelketan
Asteburuan hamar partida jokatu dituzte Madalensoron. Flores eta Bela oiartzuarrek osatutako bikoteak ezin izan du aurrera egin.
Zutik, Vicente, Ortega, Toledo epailea, Urreaga eta Etxenagusia. Makurtuta, Txapei, Mikela, Bela eta Flores. Pasa den asteburuan Euskal Herriko Pala Txapelketa Irekiaren beste hamar partida jokatu dituzte Madalensoro pilotalekuan. Partida gehienetan alde handia egon zen irabazleen eta galtzaileen artean, eta parere bat bakarrik salbatu zirela, ikusgarritasunari dagokionez.
Oiartzuarrei dagokionez, Rotetak —Torresekin batera— aurrera egitea lortu du, Hirugarren Mailan, Etxebeste eta Arangureni 25-18 irabazi ondoren. Flores eta Bela oiartzuarrak, maila berean, txapelketatik kanpo geratu dira, euren partida galduta.
Lehen fasea bukatzeko hiru jardunaldi gehiago falta dira, eta orduan argituko da nor pasako den hurrengo fasera eta nork ikusi beharko dituen partidak harmailatik. Oiartzuarrei dagokienez, Rotetaz gain, Getaria eta Juanes kanporaketa fasean egongo direla ziurra da. Ea baten bat gehiago batzen zaien. (Asteburuko partidak ikusteko, sakatu hemen).
Lehen Maila
- Elejalde – San Miguel / Txaparro – Azpeitia: 25-14.
- Epelde – Bikutze / Aroztegi – Zubimendi: 16-25.
Bigarren Maila
- Urbieta – Aranjuelo / Aranburu – Zubimendi: 16-25.
- Andueza – Rodriguez / Conde – Arrizabalaga: 17-25.
- Arana – Olaizola / Perez – Perez: 25-8.
- Etxenagusia – Urreaga / Vicente – Ortega: 25 – 11.
Hirugarren Maila
- Mikela – Txapei / Flores – Bela: 25-19.
- Balda – Zelaia / Izkierdo – Bengoetxea: 8-25.
- Martinez – Urigoitia / Berasaluze – Barinagarrementaria: 15-25.
- Torres – Roteta / Etxebeste – Aranguren: 25-18.
