Baratze parkean partzela bat eskuratzeko deialdia zabalik
Hilaren 20ra ate izango da eskaerak aurkezteko epea, egun hori barne, eta interesdunek Zu! udal arreta zerbitzura jo dezakete edo online egin.
Eskaera egiteko epea zabalik izango da hilaren 20ra arte, hura barne. Udal baratze parkean partzela bat eskuratu nahi duten herritarrek aukera izango dute deialdia zabaldu duelako udalak. Lur sailak Arramendi gainean kokatuta daude, eta guztira 77 lursail daude: 30 metro koadroko 42 baratze eta 60 metro koadroko 35 baratze.
Baratzeak erabiltzeko lizentziak urtebeterako emango ditu udalak, eta gehienez bost urtera arte luzatu ahalko dira. Hartzaileak hainbat baldintza bete behar ditu eskaera egiteko, besteak beste, Errenterian erroldatuta egotea eta nekazaritzarako beste lursailik ez izatea. Bestalde, baratzeak baremazioaren arabera esleituko dira eta familia ugariei eta langabetuei lehentasuna emango zaie.
Hilaren 20ra ate izango da eskaerak aurkezteko epea, egun hori barne, eta interesdunek Zu! udal arreta zerbitzura jo dezakete horretarako astelehen, asteazken eta ostiraletan 07:30etik 15:00ak arte, eta astearte eta ostegunetan 07:30etik 20:00ak arte. Online eskaera egiteko aukera ere izango da.
