Gogotik egingo dute negar
Inauteriak amaituko dira gaur. Sardina ehortzita, datorren urtera arte esango diote agur mozorro festari.
Inauteriak amaituko dira gaur. Sardina ehortzita, datorren urtera arte esango diote agur mozorro festari. Merezi duen agurra prestatu diote aurten Ereintza elkartekoek ere sardinari. Amulletako Danborraren Kofradiak sardina ehorzketa iragarriko du erretretarekin Amulleta elkartetik abiatuta herriko erdialdeko kaleetan. Ordu eta erdi geroago abiatuko da sardina ehorzketaren hileta segizioa Musika Kultur Elkarteko Bandak eta Amulleta Danborraren Kofradiak lagunduta Bittor Idiazabal kaletik abiatuta.
Udaletxeko arkupetan photocalla antolatu du Ereintza elkarteak, sardinarekin argazkiak egiteko dantza bukatu ostean. Jarraian bertsoak eta azken agurra egingo dituzte.
Iñudeak eta Artzainak
Hilaren 10ean berriz, Orereta Ikastolak antolatzen duen Iñude eta Artzainen desfilea izango da Koldo Mitxelena plazatik abiatuta 12:00etan. Euria eginez gero, Koldo Mitxelena ikastetxeko patioan izango da.