Udal garbiketa zerbitzuko ibilgailu bat erre egin da Lezon
Udal garbiketako ibilgailu baten generadorean sortu da sutea, eta ibilgailua kiskali egin da. Ez da zauriturik izan, suhiltzaileak berehala joan dira.
Lezoko udal garbiketa egiten duen enpresako ibilgailu batek su hartu du gaur 12:00ak aldera, Auñamendi kalean. Langileak zonalde hartan lanean ari ziren, eta ibilgailuak zuen generadore bat su hartu, eta ibilgailua osotasunean kiskali da.
Kalte materialak soilik egon dira, furgoneta osorik erre baita. Ez da zauriturik izan. Sutearen berri izan eta berehala joan dira suhiltzaileak gertakariaren tokira, sua kontrolatuz eta itzaliz. Lezoko Udalak eskerrak eman dizkie suhiltzaileei eta istripuan bertan izan diren langileei.