Joko Garbi finala jokatuko dute larunbatean, Madalensoron
Txost 2 Oiartzungo taldea eta Zubieta 2 ariko dira nor baino nor, larunbatean, Ezker Hormako Kluben Arteko Gipuzkoako Txapelketako joko garbiko finalean.
![joko garbi finala oiartzun](https://oarsoaldea.hitza.eus/site/files/2019/03/joko-garbi.jpg)
Larunbat arratsaldean, pilota finala jokatuko dute Madalensoroko frontoi estalian. Ezker Hormako Kluben Arteko Gipuzkoako Txapelketako joko garbiko finala jokatuko dute, 18:00etatik aurrera.
Oiartzungo Txost klubeko Etchelecu eta Nazabal izango dira bertan —Txost 2 izenarekin aritu dira lehian—. Arerio moduan, Zubieta 2ko Arrillaga eta Aizpurua izango dituzte. Bost talde aritu dira aurten lehian, Oiartzungo bi eta Zubietako hiru. Etzi erabakiko da zein den onena.