Martxoko ipuin kontaketa, ludotekan
Lur Korta ipuin kontalariak bi eta hiru urteko haurrentzako saioa eskainiko du hilaren 11an. Ludotekako familia gunea aprobetxatuz egingo dute hilabete honetakoa.
Ludotekan izango da ipuin kontaketa. Martxoari dagokion ipuin kontaketa saioa datorren astelehenean, hilak 11, egingo dute. Ohi bezala, Manuel Lekuona bibliotekak antolatuko du, baina oraingoan ezberdina izango da tokia: Abaraxka Ludoteka. Izan ere, familien eremua egiten dutela aprobetxatu nahi dute.
Lur Korta arituko da kontu kontari, bi eta hiru urteko haurrentzako. Saioa 17:00etan hasiko da, eta puntualtasuna eskatu dute, eta ume bakoitzarekin gehienez heldu bat egin daitekeela gogorarazi dute.
