[Bideoa] Emakumeak hasi dira Martxoaren 8a pizten
Pasai Antxon gauerditik kanpaldia egin dute Gure Zumardian, eta goizean goiz informazio pikete girotuak gaur Martxoaren 8a dela gogorarazi du.
Gauerditik, akanpada egin dute Pasai Antxon. Bertakoa da irudia. Gaur, Martxoak 8, greba feminista. Herriz herri jada hasi dira herriei kolore morea ematen. Pasai Antxon, esaterako, gauerditik akanpada egin dute Gure Zumardian emakumeek, eta goizean goiz informazio emateko piketeak kalejira egin du Pasaiako barrutitik zehar. Euria ari du. Berdin du, gaur bizitzak erdigunean jartzeko eguna baita, aldarrikapena egiteko, emakumeek ahotsa altxatzeko. Gaur eta beti.
Antxon badaude jarduera gehiago gaur. Honakoak:
- 09:00etan, gosari autogestionatua.
- 11:00etan, muxikoak Gure Zumardian.
- 12:00etan, elkarretaratzea eta manifestazio girotua.
- 14:00etan, bazkari autogestionatua.
- 16:30ean, Azokan, dantza komunitario tailerra.
- 18:30ean, elkarretaratzea Gure Zumardian eta Donostia edo Errenteria-Oreretako manifestazioetara joateko deia.
