Oiartzungo neskek Berriozar garaitu dute
Oiartzunek Berriozarren kontra irabazi du etxean eta sailkapenean gora egiteko aukera biderkatu dira, liga bukatzeko bost jardunaldi falta direnean.
Pasa den astean esan genuen Oiartzun Kirol Elkarteko neskek lortutako puntua ez zela nahikoa, Bigarren Mailako zulotik ateratzeko. Aste honetan, baina, sentsazioak bestelakoak dira: talde urdinak Berriozarren kontra garaipen garrantzitsua lortu zuen sailkapenean gora egiteko.
Atzo goizean jokatu zuten, Karla Lekuonan, Bigarren Mailako 21. jardunaldiari dagokion norgehiagoka. Nafarrak oraindik ez ziren esnatu, bigarren minutuan Oiartzunek gola sartu baitzien. Emaitza horrekin iritsi ziren atsedenaldira.
Aldageletatik bueltatu eta segituan, Oiartzunek aldea handitzea lortu zuen, baina nafarrek gola sartu zuten bost minutura. Luze jo zuen epailearen azkeneko txistua entzun arte, baina azkenean hiru puntuak etxean geratu ziren. Hamabosgarren postuan jarraitzen dute oiartzuarrek, eta orain Mulier bi puntura dute, eta Berriozar hirura.
FUTBOLA
Emakumeen Bigarren Maila
- Oiartzun-Gasteizko Aurrera: 1-1.
Gizonen Erregional Ohorezko Maila
- Aretxabaleta-Oiartzun: 1-0.
Emakumeen Euskal Liga
- Zarautz-Oiartzun B: 1-1.
Gizonen Lehen Erregionala. Igoera Fasea.
- Oiartzun B-Usurbil: 2-1.
Emakumeen Gorengo Maila. Kopa.
- Oiartzun C-Allerru: 3-4.
ARETO FUTBOLA
Gizonen Gipuzkoako Lehen Maila
- Herrikide-Oiartzun: 3-7.
Gizonen Gipuzkoako Bigarren Maila
- Donibane Stokke-Power Rangers: 8-3.
Gizonen Gipuzkoako Hirugarren Maila
- Anoeta-Miren Taberna: 6-6.
SASKIBALOIA
Gizonen Gipuzkoako Lehen Maila
- Oiartzungo Saskilagunak-Donosti Dolphins: 62-82.
Gizonen Gipuzkoako Hirugarren Maila
- Zurrut-Oiartzungo Saskilagunak B: 70-64.
