Gurutze-Berri jatetxeak lehen mende erdia bete du
Xabier Zapirainek Luis Irizarrekin batera hartu zuen jatetxeak 50 urte bete ditu. Zapirainen seme Xabier eta Gorkak hartu dute lekukoa.
Gurutze Berri, jatetxea izateaz gain, hotel ere bada. Guretze-Berri jatetxeak 50 urte bete ditu aurten. 1969an Xabier Zapirainek —Luis Irizarrekin batera— hartu zuen jatetxearen gidaritza. Zapirain-Ruiz familiak hartu zuen jatetxearen gidaritza bere gain, eta ehiza sukaldaritzan espezializatu ziren, baina ez horretan bakarrik.
Xabier Zapirainek bere seme Xabier eta Gorkari erakutsi zizkien lanbidearen sekretuak, eta aita erretiratu zenean beraiek hartu zuten ardura.
Kontaezinak izan dira Gurutze auzoko jatetxean egin diren bataiatze, ezkontza edo jaunartze bazkariak, eta lan-otordu ugari egin ohi izan dira. Aurten bete ditu lehen 50 urteak.
