Ttipi-ttapa, Kirol Astea bere bidea egiten ari da
Arratsaldean kirol elikadurari buruzko hitzaldia egingo dute, baita bizikletak konpontzen ikasteko tailerra ere bai. Oraindik ekitaldi mordoa falta da.
Streetdance erakustaldia egin zuten Oiartzungo IV. Kirol Astea ari da pixkanaka aurrera egiten. Pasa den larunbatean hasi zen, Emarriri buruzko dokumentalarekin eta solasaldiarekin. Aurretik, harri-tiratze erakustaldia egin zuten taldeko neskek, Kontzejupean.
Igandeko atseden eguna pasatuta, atzo bueltatu ziren ekitaldiak. Tartean, Kontzejupea dantzan jarri zuen streetdance erakustaldia. Izan ere, oso ezagunak ez diren diziplinak ezagutaraztea da Kirol Astearen helburuetako bat. Gaur arratsaldean, berriz, bestelako ekitaldientzako txanda izango da, betiere jarduera fisikoarekin lotutakoak. Honakoa izango da gaurko eta gainontzeko egunen egitaraua:
Gaur
- 10:00etatik 12:00etara. Zirkuitu biosasungarriari buruzko ikastaro praktikoa, Txaran.
- 16:30etik 18:00etara. Eskola Kirola: herri kirolak.
- 18:00etatik 20:00etara. Txirrinden mekanika tailerra.
- 18:30ean. Hitzaldia, kirol elikadurari buruzkoa. Juanan Legorburu eta Xabier Leibarrekin (Laboren).
Bihar
- 16:30etik 18:00etara. Eskola Kirola: herri kirolak.
- 16:45etik 17:45era. Gimnasia erritmikoko erakustaldia, Kontzejupean.
- 19:00etan. Mahai-ingurua: mendi lasterketak.
Etzi
- 10:00etatik 12:00etara. Nordic walking ibilaldia, Elorsorotik.
- 16:45etik 17:45era. Hip hop erakustaldia, Kontzejupean.
- 19:00etan. Pumori filmaren emanaldia.
Hilak 15, ostirala
- 16:45etik 17:45era. Acrosport erakustaldia, Kontzejupean.
- 19:00etan. Kirol Saria eta kirolariekin mahai-ingurua.
Hilak 16, larunbata
- 16:00etan. Eskola Pilotako finalak, Haurtzaro Ikastolan.
- 17:00etan. Spinning maratoia, Kontzejupean.
