Txosteko bikotea, joko garbiko Gipuzkoako txapelketan garaile
Etchelecu eta Nazabal zazpi puntugatik nagusitu dira Madalensoro pilotalekuan, Zubietako bikotearen kontra.
Txosteko bikoteak jantzi zuen txapela. Pasa den larunbatean jokatu zuten Gipuzkoako Joko Garbi Txapelketako finala, Madalensoro pilotalekuan. Etxeko klubeko —Txost— eta Zubietako pilotariak aritu ziren, nor baino nor. Oiartzungo taldekoak nagusitu ziren: 40 tanto Etchelecu eta Nazabalentzat, eta 33 Arrillaga eta Aizpuruarentzat.
Pala txapelketa
Joko Garbiko finala ez da izan asteburuan Madalensoron jokatu den bakarra izan. Euskal Herriko Pala Txapelketa Irekiko hamar partida jokatu zituzten larunbat eta igande artean. Pixkanaka argitzen ari da nork egingo duen aurrera.
Oiartzungo bikote batek jokatu zuen, Arizmendi eta Arbelaitzek osatutakoa. Ia partida osoa aurretik joan arren, bukaeran ezin izan zuten garaipena poltsikoratu. Beste partidei dagokienez, sorpresarik gabe joan ziren, eta faboritoak nagusitu ziren. Aurten, txapelak eramateko hautagai sendoak dira Salaberria-Huegun —Lehen Mailan— eta Berho-Goñi —Bigarren Mailan—. Honakoak izan dira emaitzak (datorren asteburuko karteldegia, hemen):
Lehen Maila
- Antxordoki-Martikorena / Elejalde-San Miguel: 25-15.
- Salaberria-Huegun / Aroztegi-Zubimendi: 25-15.
- Ubeda-Zumeta / Leonardo-Madariaga: 25-13.
Bigarren Maila
- Andueza-Rodriguez / Zabala-Arriaga: 25-13.
- San Sebastian-Lizaso / Landa-Lekuona: 17-25.
- Luixa-Luluaga / Etxenike-Ibarra: 25-13.
- Berho-Goñi / Aranburu – Telletxea: 25-15.
Hirugarren Maila
- Maneiro-Aizkorreta / Iribar-Iribar: 20-25.
- Kazabon-Salaberria / Santamaria-Etxeberria: 6-25.
