Arratsean irekiko dute Intxixu Trailen izena emateko epea
Ekainaren 9an egingo dute Oiartzungo mendi lasterketa. Korrikalari bakoitzak poltsan jasoko duenaz gain, kamiseta bat prezio berezian erosteko aukera egongo da.
Gaur irekiko dute izen emate epea. Ea nor iden lehena galdetegia betetzen. La Polla Recordsek ziztu bizian saldu zituen, atzo eta gaur, BECen egingo dituzten kontzertuetarako sarrerak. Milaka zale zain egon dira beren txartela lortzeko. Horrela egongo dira gaur arratsaldean mendi lasterkariak. Intxixu Trailen izena emateko epea zabalduko dute 20:00etan, Herri Krosaren webgunean.
Zerbitzariak erortzen ez badira —ez dugu uste—, korrikalariek eskaintza berezia izango dute: Lurbel Precision Garment etxeko Challenge kamiseta bat prezio berezian izango dute. Horrez gain, poltsa bateko jasoko dituzte gainontzeko produktuak.
Seigarren Intxixu Trailek 16,5 kilometroko ibilbidea izango du, Aiako Harria Parke Naturaletik zehar. Ekainaren 9an izango da, eta 901 metroko desnibel positiboa izango du. Intxixu Trail 2019 iristeko atzera kontua hasi besterik ez da egin…
