Errenteriako airearen kalitatea hobetu dela ondorioztatu du ikerketa batek
Errenteria-Oreretako biztanleek arnasten duten airearen kalitatea 2004-2005ean arnasten zutena baino hobeagoa da. Hala ondorioztatu du 2018. urtean zehar EHU Euskal Herriko Unibertsitateko Kimika fakultateko Ingeniaritza Kimikoko taldeak egin duen ikerketarekin.
Bizikleta erabiltzea da airearen kalitatea hobetzen lagundu dezaken neurrietako bat. Errenteria-Oreretako biztanleek arnasten duten airearen kalitatea 2004-2005ean arnasten zutena baino hobeagoa da. Hala ondorioztatu du 2018. urtean zehar EHU Euskal Herriko Unibertsitateko Kimika fakultateko Ingeniaritza Kimikoko taldeak egin duen ikerketarekin. Gaztelutxoko biribilgunean instalatu zen airearen kalitatearen estazio mugikor batetik, eta Pasaiako Portuaren jarduerari lotuta Lezon dagoen estaziotik egin dituzte neurketak. Partikula esekiak eta horien tamainaren araberako banaketa, partikuletako metal edukia eta konposatu organiko hegazkorrak hartu dituzte aintzat. Azterlana, 1996-1997 eta 2004-2005 urteetan egindako proiektuen osagarri da.
Ibilgailuen trafikoak isurtzen ditu kurtsatzaile gehien airera, aurreko azterlanetan bezala; horien atzetik kokatzen dira, etxeko jardueren emisioak (berogailuak) eta industria sektoretik datozenak.
Azterlanak, airea garbiagoa dela orain erakutsi du, eta kutsatzaileen mailak kutsadura atmosferikoaren gainean indarrean dagoen legedian ezarritakoaren barruan daude. Aireratutako partikulek (PM10) Osasunaren Mundu Erekundeak giza osasunerako gomendatzen duen baliotik oso hurbil dauden mailak dituzte azterlanaren arabera.
Biztanleen bizi kalitatea hobetzeko airearen kalitatea hobetu beharra dagoela nabarmendu du udalak, “emisio baxuko eremuak eta oinezkoentzako guneak sortzea, garraio publikoaren erabilera areagotzea, oinez joatea eta bizikleta garraiobide gisa sustatzea, trafikoaren kudeaketa, abiadura mugetan egindako aldaketak, eta garraio publikoaren emisioak murrizten dituzten inbertsio teknologikoak dira, besteak beste, hobekuntza hori erraztuko luketen ekintzetako batzuk”.
