100dik gora haur bildu ditu Pasaia Kayak-ek badian
Asteburuan Eskola Kiroleko proba bat antolatu dute Haur eta Kadete mailetako haurrentzat
Kimu Mailako palistak. Atzean, ezkerretik eskuinera, Irail Lartzaguren, Joserra Diaz eta Tamara Sixto entrenatzaileak dituztela. Pasaia Kayak taldeak antolatuta eta Gipuzkoako Piraguismo Federazioaren ardurapean, Eskola Kiroka programaren barruko piraguismo lehiaketako proba bat lehiatu zen lehengo larunbatean Pasaian. 100dik gora haur bildu zituen probak, Euskal Herriko hamaika txokoetatik etorritakoak, eta bai txikiek, bai haiei laguntzera etorritako helduek ere, giro paregabeaz gozatzeko aukera izan zuten probak iraun bitartean.
Maddi Tarragonak garaipen sendoa lortu du Pasaian
Kirol ikuspegirik, nabarmentzekoa etxeko palistek lortutako emaitzak. Haurren Mailan Maddi Tarragonak nagusitasun osoz irabazi zuen. ia 40 segundoko aldea atera zion bigarren postuan sailkatu zen Santiagotarrak taldeko Haizea Aranbururi. Espainiako Txapelketan lehiatuko da asteburu honetan Maddi Tarragona, Cadizen, eta Pasaiako proban sasoian bete-betean dela erakutsi zuen.
Kimuak
Kimuen kategorian, mutiletan, Unai Conejero errenteriarra hirugarren izan zen, bi lehenengo palisten ubera galdu arren hirugarren tokiari eutsita. Nabarmentzekoa baita ere Gaizka Lopezek B taldean (lehenengo urteko kimuak) lortutako bigarren postua, A taldeko palista ugariren aurretik sartuta- batera lehiatzen dira biak-.
Kimu nesketan ere, oso maila txukuna erakutsi zuten etxekoek, batez ere A taldean. Haizea Monterok hirugarren postuan sailkatu zen, eta B taldean June Diaz laugarren izan zen.
