Ligako azkena irabazita, bigarren postua Trintxerperentzat
Sailkatutako lehengo lau taldeak ligaxka jokatuko dute orain
Trintxerpe eta Ibarraren arteko partida, Ligako azkena. Areto Futbolean, Trintxerpek, 4-1 irabazi dio Ibarrari Ligako azken partidan. Defentsan sendo eta erasoan aukerak sortuta, kontraerasoetan lortu zituzten Erdibanako neskek lehen bi golak.
Ibarrak atsedenaldira irten aurretik lortu zuen partidan sartu zuen gol bakarra, falta zelakoan Trintxerpeko jokalariak geldirik zeudela.
Partidaren bigarren zatian joko intentsitateari eutsi zion Trintxerpek, eta nahiz eta 3-1ekoarekin Ibarrak atezain-jokalaria atera, defentsan trinkotu eta kontraerasoan lortu zuten Erdibanakoek laugarrengoa.
Honenbestez, bigarren postuan bukatu dute Liga Trintxerpeko neskek, Ordiziaren atzetik eta Ibarrarekin aurretik. Orain, baina, berriz ikusi beharko dute elkar, ligaxka jokatu behar dutelako lehen lau postuetan sailkatu diren taldeak, hau da, Ordizia, Trintxerpe, Ibarra eta Eskoriatza, hurrenez hurren.
