Ozeanoa bizirik nahi dute
Tantaz tanta ozeanoa proiektuan lanean aritu dira 6 eta 17 urte arteko haur eta gazteak Errenteriako ludoteka eta gaztelekuetako haur eta gazteak. Astelehenean erakusketa bat zabalduko dute Niessen merkataritza gunean
Boluntarioak, Mater itsasontzian, kanpaina bitartean plastikoa biltzen. Tantaz tanta ozeanoa proiektuan lanean aritu dira 6 eta 17 urte arteko haur eta gazteak Errenteria, Donostia, Lasarte-Oria eta Urnietako ludoteka eta gaztelekuetan. Hezi Zerb elkarteak kudeatzen du proiektua eta Eduko GKEren diru laguntza jasotzen du. Plastikoak itsasoan duen eraginaz hausnarketa eginda, haur eta gazteak beren alea jarri nahi izan dute jendartea sentsibilizatzeko, eta hainbat ekintza burutu dituzte: inguruetako zakarra bildu dute, proiektua azaltzeko panelak sortu dituzte, edota ozeanoen kutsadura murrizteko mezuekin bideo laburrak eginez.
Apirilaren lehen astean amaituko dute eta horren harira hainbat ekintza antolatu dituzte Hezkuntzaren Aldeko Munduaren Astearen harira. Sortu dituzten panelekin erakusketa egingo dute Niessen merkataritza gunean apirilaren 1etik 4ra bitartean eta arratsaldero 18:00etan hasita haur eta gazteak izango dira gerturatzen direnei landutakoaren gaineko azalpenak lehen eskutik ematen.
