Pala txapelketa irekian jokatu nahi duten neskek izena eman dezakete
Gaztetxoen eta helduen mailak antolatzea da Giriziakoen helburua. Finalak mutilen txapelketaren azken partidekin batera jokatuko lituzkete.
Badira aste batzuk Euskal Herriko Pala Txapelketa Irekia hasi zenetik. Mutilen hiru mailetako partidak jokatu dituzte orain arte, eta nesken txapelketa antolatzen ari dira Giriziakoak. Horregatik, parte hartu nahi duten emakumeek izena eman dezakete. Bi maila egongo dira: gaztetxoak eta helduak.
Madalensoroko kantxan jokatu nahi dutenek, e-posta bidez eman dezakete izena, edo 656 71 12 75 telefono zenbakira deituta. Apirilaren 7ra arte eman daiteke izena.
