Udaleku irekietan izena emateko epea astelehenean zabalduko dute
Apirilaren 12ra arte eman daiteke izena, eta aurten, gainera, lehenengo aldiz on-line. Uztailaren 1etik 30 era izango dira udalekuak, bi txandatan zatituta.
Astelehenean iritsiko da guraso askok agendan gorriz markatuta duten egunetako bat. Aurtengo udaleku irekietan izena emateko epea zabalduko dute, apirilaren 12ra arte. Haur Hezkuntza 1etik Lehen Mailako 6 mailarainoko haurrentzako udalekuak uztailaren 1etik 30era izango dira, bi txandatan banatuta.
Izena emateko, gizarte segurantzaren kopia eta udalekuetako matrikularen ordainagiria erakutsi beharko dira. Izen ematea Mendiburu 5eko bulegoan egin daiteke, 08:30etik 11:30era eta 14:30etik 18:30era. Azkeneko egunean goizez bakarrik egongo da irekita. Aurten, gainera, online egiteko aukera egongo da, Gazteria eta Kirola Sailaren webgunearen bitartez.
Prezioak
Udalekuak bi txandatan banatuko dituzte. Lehena, uztailaren 1etik 12ra. Bigarrena, berriz, hil horren 15etik 30era izango da. Hamabostaldi baten prezioa 37 euro izango da haur bakoitzeko (autobus zerbitzuarekin, 50 euro). Hilabete osoko prezioa, berriz, 73 euro izango da haur bakoitzeko (autobus zerbitzuarekin, 100 euro).
Familia ugariek deskontua izango dute. Familia bereko hiru haur matrikulatuz gero,%25eko deskontua izango da tarifetan: 28 euro haur bakoitzeko hamabostaldi bakarrerako (38 euro autobusa zerbitzua nahi izanez gero) eta 55,50 euro hilabete osoa (76 euro autobusarekin).
Hezitzaile bila
Haurren begirale lanak egingo dituzten hezitzaileak bilatzen ari dira. Interesa dutenek beren curriculuma bidali beharko dute, apirilaren 1etik 12ra, e-posta bidez. EGA, aisialdiko begirale titulua eta hezkidetzan formakuntza duten ala ez baloratuko dute.
Edozein zalantzak argitzeko, udalekuak.oiartzun[abildua]gmail.com helbidera idatz daiteke, edo 645 00 54 96 telefono zenbakira deitu. Gurasoek zein hezitzaileek bide horietatik argi ditzakete beren balizko zalantzak.
