Aitortza jasota, gaur berriro kalera
Kaleak hartzera deitu du Duintasunak, "atzera egiten badugu mobilizazioetan, berriz ere murrizketak ezarriko dizkigutelako pentsioetan, osasungintzan, hezkuntzan, dependentzia legean". Orain dela unea esan dute hauteskundeei erreparatuta, gainera, "gure eskubideak lapurtzen dituztenek, ez dute gure botorik izango".
Araba, Bizkai eta Gipuzkoako pentsiodunen mugimendua saritu zuen Espainiako Estatuko Gizarte Laneko Kontseilu Nagusiko gobernu batzordeak. Erakunde eta entitateen kategoriako Espainiako Estatuko Gizarte Laneko VII. saria da jaso dutena; kategoria horretan, herritarren parte hartzea sustatu eta gizarte kontzientzia astintzen duten erakundeak saritzen dituzte.
Pentsiodunen Araba, Bizkai eta Gipuzkoako mugimenduak adostuta, Gipuzkoako pentsiodunen mugimenduko bi kidek jaso zuten saria ostiralean Miramar Jauregian antolatutako sari emate ekitaldian saria guztien izenean, Errenteriako Alfredo Rodriguezek eta Azpeitiko Arrosa Bordak. Bi ordezkariek saria eskertu eta borrokan jarraitzeko konpromiso irmoa azaldu zuten beren eskaera “justu eta bidezkoak” lortu arte.
Errenteria-Oreretako pentsiodunen mugimenduak zazpi urte bete ditu aurten. Ostiralean saria jaso zuten, Gipuzkoa, Bizkai eta Arabako pentsiodunen borrokari egindako aitortza, baina gaur, berriro, kalera irtengo dira errenterian Duintasuna elkarteak deituta. 11:00etan egin dute hitzordua hileko lehen astelehenero bezala Herriko plazan. 1.080ko gutxieneko erretiro pentsioa exijituko dute; KPIaren araberako pentsioen igoera legez bermatzeko; 1.200 euroko gutxieneko soldata interprofesionala; soldata zein pentsioen genero arrakalarekin amaitzea; berrordainketa farmazeutikoa eta medikamentazoa ezabatzea; lan erreforma ezabatzea; eta babes eta gizarte segurantzako sistema propio eta publikoa.
Kaleak hartzera deitu du Duintasunak, “atzera egiten badugu mobilizazioetan, berriz ere murrizketak ezarriko dizkigutelako pentsioetan, osasungintzan, hezkuntzan, dependentzia legean”. Orain dela unea esan dute hauteskundeei erreparatuta, gainera, “gure eskubideak lapurtzen dituztenek, ez dute gure botorik izango”.