'Tres identicos desconocidos' gaur, OzZinemaren eskutik
'Tres identicos desconocidos' filma ekarriko du OzZinemak gaur Errenteriako Niessen aretora. Gipuzkoan lehen aldiz izango da areto batean film dokumental hori.
Jaiotakoan banatu zituzten hirukiak. Tres identicos desconocidos filma ekarriko du OzZinemak gaur Errenteriako Niessen aretora. Gipuzkoan lehen aldiz izango da areto batean film dokumental hori. Arlo psikologikoan oinarrituta, errealitateak askotan fikzioa gaindi dezakeenaren adibide paregabea da Tim Wardle zuzendariaren filma. Sari ugari irabazi ditu filmak, eta beste askotan finalista izan da.
1980an, New Yorken hiru pertsona ezezagun ezustean ohartzen dira hirukiak direla. Jaiotakoan banatu zituzten. Hemeretzi urte beranduago, berri pozgarria tartean, nazioarteko fama izango dute hiru anaiek, baina aldi berean sekretu izugarria jarriko du agerian. Neubeauer doktoreak gidatutako ikerketa ilun batek Bobby, Eddy eta Daviden bizitzak aldatu zituen eta ezusteko batek dena agerian jarri zuen. Inplikazio sozial, etiko, erlijioso, ekonomiko, antropologikoa eta zientifikoa biltzen dituen thriller bat da Tres identicos desconocidos filma.
saioaren aurkezpena eta solasaldia, Itziar Alonso-Arbiol EHUko Psikologia Fakultateko irakasleak egingo du, ikusleei filmaren eta protagonisten ondorio psikologiak ulertzeko bidea erakusteko. Gaur emango dute filma, 19:30ean eta sarrerak 4 euroan eros daitezke Niessen kulturgunean.
