Adriana Lastra, Idoia Mendia, odon Elorza eta Jose Angel Rodriguez arituko dira PSE-EEren ekitaldian
Ekitaldi politikoa egingo du ostiralean (hilak 5), eta Jose Angel Rodiguez alkatetzarako hautagaiarekin batera arituko dira Adriana Lastra PSOEren Idazkariordea, Idoia Mendia PSE-EEren Idazkari Nagusia, eta Odon Elorza kongresurako Gipuzkoako PSE-EEren hautagaia. Hitzaldia Reina aretoan izango da 19:00etan hasita.
Adriana Lastrak hartuko du parte ekitaldi politikoan. Ekitaldi politikoa egingo du ostiralean (hilak 5), eta Jose Angel Rodiguez alkatetzarako hautagaiarekin batera arituko dira Adriana Lastra PSOEren Idazkariordea, Idoia Mendia PSE-EEren Idazkari Nagusia, eta Odon Elorza kongresurako Gipuzkoako PSE-EEren hautagaia. Hitzaldia Reina aretoan izango da 19:00etan hasita. PSOErentzat “erabakigarriak” dira Espainiako Gorteetarako Hauteskundeak: “Aurrerapena eta eraldaketa ekonomikoa ordezkatzen duen Pedro Sanchez edo Vox alderdiaren eskutik inboluzio politikoa eta soziala proposatzen duten Casado eta Riberaren artean hautatzea da kontua. Agertoki zail horretan, Gipuzkoako EAJk, Markel Olano, Eneko Goia eta Joseba Egibarren eskutik Tora presidenteari babesa erakutsi diote eta Katalunian hasitako prozesu sezesionista inbidiaz ikusten dute”.
Alderdi sozialistak euskal autogobernua babesten dutela esan dute, “euskaldun gehienek babesten dutena, abentura apurtzaileak babesten dituztenen aurrean, EH Bildu eta Gipuzkoako EAJ kasu”. EH Bilduri eta Gipuzkoako EAJri, “konfrontaziora daramaten eta irteerarik ez duten” prozesu subiranistak zabaldu nahi izatea egotzi die, “Katalunian, edota Britaina Handiko Brexitarekin gertatzen ari den moduan”.
Antolatutako solasaldi sortaren barruan azkena egingo dutela bihar gogorarazi du PSE-EEk. Berdintasunaz arituko dira, Mujeres en movimiento (Emakumeak martxan) goiburuarekin Goizane Alvarez alderdi sozialistaren zerrendako bigarrena udal hauteskundeetan, eta Amaia Andres atleta olinpikoa eta Gipuzkoako Atletismo Federazioaren presidentea. Hitzaldia Heriko Etxean izango da, 19:00etan hasita.
