Arte eszenikoetan oparo dator hilabetea
Aste honetan bertan izango da lehen emanaldia Hecho en Casa konpainiaren Cyrano lana, zehazki. Niessen Kulturguneak hartuko du emanaldia 18:00etan hasita eta sarrerak 3 euroan dira salgai.
Cyrano antzezlana helduko da ostiralean Niessen Kulturgunera. Anitza, gustu eta publiko guztientzat egokia izango den kultura programazioa prestatu du udalak datozen bi hilabeteetarako, eta gaur eman dute horren berri Iker Tolosa Kultura teknikariak eta Ion Collar Kultura zinegotziak. Aste honetan bertan izango da lehen emanaldia Hecho en Casa konpainiaren Cyrano lana, zehazki. Niessen Kulturguneak hartuko du emanaldia 18:00etan hasita eta sarrerak 3 euroan dira salgai. Igandean helduko da Banbalinak programaren barruan antolatu duten bigarren emanaldia: Borobil teatroaren Roman eta Julieta. 19:00etan izango da emanaldia. sarrerak, berriz, 8 euroan dira salgai.
Maiatzean helduko dira beste bi emanaldiak. Huts Tetroak Hozkailua antzezlana taularatuko du Niessen Kulturgunean maiatzaren 12an 19:00etan. Azken horretarako sarrerak, 8 euro balio du. Maiatzaren 31n, Sun Magoaren liluraren laborategiak hartuko du lekukoa.
Obra hauekin, amaiera emango die Niessen Kulturguneak arte eszeniko profesionalen denboraldiari udazkena arte. Udaran kalea bihurtuko dute agertoki.
