EH Bilduren zerrenda aurkeztuko dute Aizpea Otaegik eta Jon Iñarrituk
Larunbatean izango da aurkezpena Merkatuzarren; ondoren herri bazkaria antolatu du EH Bilduk, eta txartelak Biteri 7ko hauteskunde bulegoan daude salgai.
Jon Iñarrituk Aizpea Otaegi alkategaiarekin batera aurkeztuko du zerrenda. Alkatetzarako hautagaia Aizpea Otaegik eta Jon Iñarritu senatariak aurkeztuko dute zerrenda osoa Merkatuzarren 12:00etan hasiko den ekitaldian. Hautagaitza, batzar ireki ezberdinetan egindako ekarpen eta iradokizunak kontuan hartuta osatu dutela zehaztu du koalizio subiranistak, eta bi irizpide bete dituela erantsi du, “alde batetik oraingo udal taldearen parte bati jarraikortasuna ematea, proiektuari ere jarraikortasuna emateko; bestetik, perfil berriak sartzea zerrendan”.
Azken hautagaitza proposamena EH Bilduren plataforman izena eman dutenek bozkatu eta babestu dute.
Aurkezpena eginda, herri bazkaria antolatu du EH Bilduk. 14:00etan izango da, Merkatuzarren. Horretarako txartelak salgai dira Biteri 7ko hauteskunde bulego berrian.
