Cadarso lantegi zaharraren azken harriak eraisten hasi dira
Lantegi zaharra guztiz botatzen duten arte, Altzibar eta Karrika arteko bidegorriaren pasoa itxita egongo dela jakinarazi du Oiartzungo Udalak.
Lau egun iraungo dute lanek. Pasa den azaroan hasi ziren Cadarso enpresak Altzibarren zuen lantegia botatzen. Eraiste lanak hasi ziren, baina ez zen guztiz bukatu, eta gaur berriro ekin diote zutik geratzen dena botatzeari.
Oiartzungo Udalak jakinarazi duenez, lau egun iraungo dute lan horiek. Bitarte horretan, Altzibar eta Karrika lotzen dituen bidegorriaren zati hori itxita egongo dela adierazi du udalak.
Lekualdaketa
Cadarsok eta udalak 2010ean sinatu zuten enpresa lekualdatzeko hitzarmena. Udal jabetzakoa zen Lanbarren industriaguneko lursail eramatea zen helburua, jarduera ekonomikoak Altzibarko auzotarren bizi kalitateari kalte egiten ziolako.
Lekualdaketa, hala ere, ez zen 2017ko hasiera arte gauzatu. Urte horietan guztietan zehar, Cadarsok Lanbarrengo lantegia moldatu behar zuen. Udala 2017ko abuztutik da lursailaren jabea.
Iaz, eraikinaren despiezea hasi ondoren, kutsadura azterketa egin zuten.
