"Ongizatea bermatzeko gizarte politikak" aurkeztu ditu EAJk
"Pertsonak dira guretzat garrantzitsuena", esan du Nahikari Otermin alkategaiak
Etorkizuneko Adinberriren irudia, EAJk erraztuta. Azken asteotan hauteskunde programa aurkezteari ekin dio EAJk eta gaur programa horren barruan landu dituzten gizarte arloko proposamena zehatzak aurkeztu dituzte. Guztietan lehena Adinberri, jeltzaleen hitzetan, “agintaldi honetan EAJk egindako lan eta apustuari esker Pasaian kokatuko da eta zentroa”. Adineko pertsonei lotuta ere, Etxean bizi programa sustatzeko konpromisoa hartu du Otermin alkategiak. Programa honek adineko pertsonen behar eta zaintzak beren etxeetan eskaintzea du helburu.
Adinekoentzat ez ezik, gazteentzat dituzten proposamenak aurkeztu dituzte, eta nabarmendu beren helburu nagusia dela “gazteei aukera berriak eskaintzea bereziki etxebizitza sarbideari dagokionean”. Horiez gain, haur eta gazteentzat kalitatezko zerbitzuak bultzatuko dituztela agindu dute. “Jakin badakigu gazteek emantzipatzeko zailtasunak dituztela eta gure nahia da erraztasunak ematea eta alokairua sustatzea”, adierazi du Oterminek. Zentzu horretan, “Adinberri zentroa eraikitzen denean, San Pedroko babespeko etxebizitzak -gaur egun adineko menpekoentzat direnak- gazteen eskura jartzea proposatu du EAJk.
Gainontzeko barrutientzat proposamenak ere baditu Oterminek, eta Antxon, Luzuriagaren bigarren faseari bultzada emango diotela esan du, bertan anbulatorio ez ezik alokairuzko etxebizitzan eraiki ditzaten”. Antxon, horiez gain, trenbide sarea lurperatzea sustatuko dutela esan du EAJk.
Ludoteka eta Gaztelekuen zerbitzua areagotzea, irisgarritasuna hobetzea, haur jolastokiak egokitu eta estaltzeko aukera aztertzea… eta bizikidetza eta berdintasunaren aldeko politikak bultzatzea, besteak beste, jeltzaleen ardatz.
