Programazio berezia Gazteleku eta Ludoteketan
Udaberriko Oporrak programa antolatu du Errenteriako Udalak, eta horren harira, programazio berezia izango dute Gazteleku eta Ludotekek astelehenetik aurrera.
Udaberriko Oporrak programa antolatu du Errenteriako Udalak, eta horren harira, programazio berezia izango dute Gazteleku eta Ludotekek astelehenetik aurrera. Ekintza horiek 6 eta 17 urte arteko gazteentzako izango dira. 6 eta 12 urte arteko erabiltzaileentzat hilaren 15etik 17ra eta 23tik 26ra eskulanak egingo dituzte ludoteketan, mugimendu jolasak kalean, ekintza bateratuak ludoteken artean, bideo emanaldiak eta kate jolasak.
Ekintza horiek 10:30etik 13:00etara izango dira. Erabiltzaile izan gabe parte hartu nahi duten haurrek aldez aurretik eman beharko dute izena Ludotekan eta dagokion kuota ordaindu.
13 eta 17 urte artekoentzat apirilaren 23tik 25era arte ekintzan bereziak antolatu dituzte. Puzzle challenge, irteera bat Listorretan dagoen pista zirkuitura, eta kate jolasa kalean antolatu dituzte. Ekintzaren arabera ordutegi eta prezioak desberdinak dira eta zenbaitetan parte hartzeko baimena behar da. Beraungo Gaztelekuan (San Marko 7-9) edo Gabierrotako Gaztelekuan (Gabierrota pasealekua 5) eskuratu dezakete informazio gehiago interesdunek.
