Pausoz pauso, herritarrek egiten dute Korrika
Gaur helduko da 21Korrika Errenteria-Oreretara Lezotik 22:52an. Atzo Korrika Txikiak egin zituzten eta gaur goizean egingo dute beraiena gazteek, 12:30ean hasita. Bizarain, Gamon, Egiluze, Orereta Ikastola, Koldo Mitxelena, Oiartzo, Don Bosco eta Pasaia Lezo Lizeoko ikasleek bat egingo dute; 13:00etan bilduko dira denak Zumardian antolatu duten kontzertuan.
Begoña Lete Azaldegi zena, lekukoa eramaten 9. Korrikan 1995. urteko argazkia da honakoa, 9. Korrikak herria zeharkatu zuenekoa. Begoña Lete Azaldegi zena (2017ko abuztuan zendu zen) azaltzen da lekukoarekin. Gerrako umea eta gerra osteko emakumea izan zen Lete. Ezaguna oso herrian, batez ere euskal presoen inguruko mugimenduan: suhia eta biloba izan zituen preso. Lete bera ere atxilotu zuten 1982an eta Billy el Niño-k torturatu zuela salatu zuen.
Gaur helduko da 21Korrika Errenteria-Oreretara Lezotik 22:52an. Atzo Korrika Txikiak egin zituzten eta gaur goizean egingo dute beraiena gazteek, 12:30ean hasita. Bizarain, Gamon, Egiluze, Orereta Ikastola, Koldo Mitxelena, Oiartzo, Don Bosco eta Pasaia Lezo Lizeoko ikasleek bat egingo dute; 13:00etan bilduko dira denak Zumardian antolatu duten kontzertuan.
Horretaz gain egitarau berezia antolatu du Korrika Batzordeak gaurko, 21. Korrikari merezi duen harrera egiteko. 18:00etan karpa zabalduko dute Zumardian eta Nexklak taldeak emanaldia egingo du 19:00etan. Pintxo afari-merienda izango da 20:30ean eta DJ Txankletaren emanaldia 00:00etan hasita, behin korrika herritik pasata.
Lekuko aldaketak ere zehaztuta daude. Bederatzi kilometro egingo ditu 21. Korrikak Errenteria-Oreretan barrena, eta 23 lekuko aldaketa:
- Renfen (22:52). Mugimendu feminista
- Donostia kalean (Lekuona okindegiaren parean). Lau Haizetara eta Xenpelar Bertso Eskola
- Kirogan. Auzo elkarteak
- Biteri, 30en (22:58). AEK-ko ikasleak.
- Morrongilletan (Autobus geltokian). OaingozHau.
- Galtzaraborda 30en. Gazte Mugimendua.
- Parke kalea 24n (23:05). Ikasle gazteak.
- Urdaburu kalean. Kukai Dantza.
- Alaberga 39n. Ereintza.
- Alabergako igogailuan (23:09). EMKE.
- Telefonikaren eraikin zaharrean. Papresa.
- Beraungo anbulatorioan. EAJ.
- Beraungo Eroskin (23:15). Udaleko mantenuko langileak.
- San Marko kalea 9n. Oreretako HH eta LHko ikastetxeak.
- Beraun kalea 3n (23:22). Orereta Ikastola.
- Beraun kalea 27n. Errenkoalde.
- Arramendi 11n. Kirolaisi.
- Errioxa biribilgunean (23:28). Juneren Hegoak eta Mindara elkarteak.
- Maria Lezo 1en. Duintasuna.
- Herriko Plazan (23:35). Etxerat eta elkarte gastronomikoak.
- Santa Klara biribilgunean.Udala.
- Gabierrotako autobus geltokian. EH Bildu.
- Lartzabalgo autobus geltokia. Lartzabalgo auzo elkartea.
