Alabergaren 60 urteak argazki bidez
Ostegunean zabalduko ditu ateak erakusketak (maiatzak 2) Xenpelar Etxearen erakusketa aretoan eta 10era arte bisitatzeko aukera izango da 17:00etatik 20:00etara.
Argazki erakusketa antolatu du Arditurri auzo elkarteak. Argazkia: Arditurri elkartea Sei hamarkada, 60 urte bete ditu Alaberga auzoak ofizialki inauguratu zutenetik. Horren harira, hainbat ekintza antolatzen ari dira auzotarrak merezi moduan ospatzeko urteurrena. Oraingoan, erakusketa antolatu dute; ostegunean zabalduko ditu ateak (maiatzak 2) Xenpelar Etxearen erakusketa aretoan eta 10era arte bisitatzeko aukera izango da 17:00etatik 20:00etara. Alabergaren argazki ugarik osatzen dute erakusketa, baina dokumentala ere proiektatuko dute bertan. Auzoaren 60 urteei errepasa egin diote dokumental horretan, auzotar ugariren testigantza eta bizipenekin osatuta. Hilabete hasieran estreinatu zuten auzoan bertan egindako kale proiekzioan, eta emanaldian jende ugari elkartu zen.
Alabergako Arditurri Auzo elkarteko arduradunek herritar guztiak eta batez ere auzotarrak gonbidatu dituzte erakusketa bisitatzera.
