Botoa eman diotenei eskerrak eman dizkie PSE-EEk
Eskerrak eman dizkie Errenteriako PSE-EEk atzoko Espainiako Gorteetarako hauteskundeetan bere alde bozkatu zuten errenteriarrei: "Erakutsi diguten babesa eta konfiantza eskertu nahi diegu".
Jose Angle Rodriguez da PSE-EEren alkatetzarako hautagaia. Argazkia: PSE-EE Eskerrak eman dizkie Errenteriako PSE-EEk atzoko Espainiako Gorteetarako hauteskundeetan bere alde bozkatu zuten errenteriarrei: “Erakutsi diguten babesa eta konfiantza eskertu nahi diegu, elkarrekin, askatasuna, demokrazia, eta berdintasuna bezalako balioak mantentzea lortu dugulako, eta lanean jarraitzeko aukera izango dugulako lapurtu dizkiguten eskubideak berreskuratzen jarraitzeko”.
Umiltasunarekin eta serioski lanean jarraitzeko konpromisoa hartu du PSE-EEk, “babestu gaituzuen errenteriar guztiei hutsik ez egiteko arduraz arituko gara”. Maiatzaren 26ko udal hauteskundeei egin di erreferentzia alderdi sozialistak, horiek hurbilagokoak direla eta garaipena errepikatu nahi dutela esan du, “alkatetza berreskuratu eta nahi dugun Errenteria egiteko. Horretarako elkarlanean aritu gara, ideiak ditugu eta proposamenak Errenteria kudeatzeko egungo errealitatetik eta herritarren eskaerei erantzuten dizkieten irtenbideekin. Errenteria moderno, justu eta erakargarria, etorkizunari aurrez aurre begiratuko diona eraikitzeko”.
Posta bidezko botoa
PSE-EEk udal hauteskundeetan posta bidez bozkatu nahi dutenei kudeaketan laguntzeko bulegoa zabalik izango dutela ekarri du gogora, bestalde. Udal, foru eta Europako hauteskundeetarako posta bidezko botoa maiatzaren 16ra arte eska daiteke. Hiru bulego ditu zabalik horri begira alderdi sozialistak, Herriko Etxea (Morronguilleta 12), Beraunen (Galtzaraborda etorbidea 61), eta Iztietan (Donostia kalea 16). Morronguilletako bulegoa astelehenetik ostiralera izango da zabalik 10:30etik 13:00etara eta 16:30etik 20:30era. Beraun eta Iztietakoa berriz, astelehenetik ostiralera 10:00etatik 13:30era eta 16:30etik 19:30era, eta larunbatetan 10:00etatik 14:00etara izango dira zabalik.
Gaixorik edota ezinduta dauden pertsonek ere badute eskubidea etxetik bozkatzeko notario aurrean, eta eskaera hori ere kudeatu daitekeela bere bulegoetatk gogorarazi du PSE-EEk.
