Espainiako Gorteetarako hauteskundeetan PSE-EE izan da bozkatuena
PSE-EE izan da garaile Errenteria-Oreretan. Alderdi sozialistak 5.801 boto eskuratu ditu (%26,54), eta bigarren indarra izan da Elkarrekin Podemos, 5.195 botorekin (%23,77) eta garailetik 706 botora. EH Bildu hirugarren indarra izan da.
30.619 errenteriar zeuden deituak bozkatzera atzoko Espainiako Gorteetarako hauteskundeetara. Espainiako Gorteerako hauteskundeetan kongresurako bildu diren botoetan PSE-EE izan da garaile Errenteria-Oreretan. Alderdi sozialistak 5.801 boto eskuratu ditu (%26,54), eta bigarren indarra izan da Elkarrekin Podemos, 5.195 botorekin (%23,77) eta garailetik 706 botora. EH Bildu hirugarren indarra izan da. Koalizio subiranistak 4.632 bozka lortu ditu (%21,20) alderdi sozialistatik 1.169 botora. EAJk, 3.819 bozka jaso ditu Errenteria-Oreretan (%17,48). Atzetik, alde handiarekin, Espainiako eskuineko indarrak: Bosgarren izan da PP 1.004 botorekin (%4,59); seigarren Ciudadanos 630 botorekin (%2,88) eta zazpigarren Vox 272rekin (%1,24).
PSE-EEk, EH Bilduk eta EAJk gora egin dute 2016ko hauteskundeekin alderatuta, eta Elkarrekin Podemosek jaitsiera nabarmena izan du, 2.312 bozka gehiago jaso zituen 2016ko hauteskundeetan atzo baino Errenteria-Oreretan, orduan alderdirik bozkatuena izan zen. Igoera handiena izan duena azken hauteskundeetatik, berriz, PSE-EE izan da, 1.780 bototan egin dute gora alderdi sozialistakoek Espainiako Gorteetarako hauteskundeetan.
EAJk ere gora egin du nabarmen 1.415 boto gehiago jaso zituen atzoko hauteskundeetan. EH Bilduk ere gora egin du nabarmen. Koalizio subiranistak 2016an baino 1.185 boto gehiago jaso zituen atzo. PPk, berriz 688 bozka gutxiago jaso ditu, eta Cidadanosek ere behera egin du 52 boto gutxiago jasota.
30.619 errenteriar zeuden deituta botoa ematera atzo eta 21.972 joan ziren bozkalekuetara; abstentzioa %28,24koa izan da.
Ondokoak, Errenteria-Oreretako emaitzen zerrenda (parentesi artean 2016ko Espainiako Gorteetarako hauteskundeetako botoen kopurua).
- PSE-EE: 5.801 (4.021)
- Elkarrekin Podemos: 5.195 (7.407)
- EH Bildu: 4.633 boto (3.247).
- EAJ: 3.819 boto (2.404).
- PP: 1.004 boto (1.692).
- Ciudadanos: 630 boto (682).
- Vox: 272 boto.
- PACMA: 244 boto (198).
- Beste batzuk 109 boto (91).
