[Galeria] Lurdes Oiartzabal eta Mikel Albeniz, azkarrenak gotorlekuan
Oiartzabalek bigarrenez jarraian irabazi du Errenteria Atletismo Taldeak antolatzen duen mendiko lasterketa. 100 korrikalari iritsi dira helmugara.
Bi korrikalari, pozik helmugara iristen. Lurdes Oiartzabal lezoarra bigarrenez jarraian eta Mikel Albeniz donostiarra izan ziren atzo garaile Errenteria Atletismo Taldeak (EAT) antolatutako San Markoko Igoeran. Errenteria-Oreretako Herriko Plazan hasi, eta Bizarain mendiko San Marko gotorlekuan bukatu zen 11,6 kilometroko mendiko lasterketa 100 korrikalarik bete zuten. Iazko parte hartzea nabarmen hazi da.
Oiartzabalek nagusitasunez irabazi zuen emakumeen kategorian, bigarren izan zen Maite Salazarri bost minutuko aldea atera ziolako. Gizonetan, helmugara iristen lehena Hodei Lujanbio goizuetarra izan zen, baina antza, ibilbidea ez zuen egoki egin eta antolatzaileek deskalifikatu egin zuten. Horregatik, podiumaren koska gorena Mikel Albenizentzat izan zen, eta haren atzetik bi errenteriar: Ivan Blanes eta Xabier Garagarza.
Jarraian, lasterketako lehen postuetan sailkatuak, eta argazki galeria (Ana Cruzek ateratako argazkiak dira).
Emakumeak
- 1. Lurdes Oiartzabal (Lezo) 1:05:41
- 2. Maite Salazar (Lasarte-Oria) 1:10:43.
- 3. Irati Beorlegi (Hendaia) 1:16:16.
- 4. Olatz Ibarguren (Errenteria-Orereta) 1:18:41.
- 5. Leire Mitxelena (Errenteria-Orereta) 1:19:20.
Gizonak
- 1. Mikel Albeniz (Donostia) 55:16.
- 2. Ivan Blanes (Errenteria-Orereta) 55:24.
- 3. Xabier Garagarza (Errenteria-Orereta) 56:06.
- 4. Axier Aburuza (Aduna) 56:23.
- 5. Nacho Lopez (Irun) 57:23.
Ikusi hemendik sailkapen osoa.
