Nesken pala txapelketa hasi da, oiartzuarrentzako emaitza onarekin
Zortzi bikote izango dira aurtengo txapelketan, eta oiartzuarra Leire Galdos izango da. Mutiletan, Juanes eta Getaria bakarrik geratzen dira lehian.
Zutik, Ontsalo, Olano, Bengoetxea epailea, Galdos eta Murua. Makurtuta, Agirre, Erasun, Eizmendi eta Lasarte. Pasa den asteburuan hasi zen Euskal Herriko Pala Txapelketa Irekiaren barruko nesken txapelketa. Zortzi bikote ariko dira lehian, denak oso gazteak eta etorkizun handikoak. Antolakuntzakoek osatu dituzte bikoteak, eta bi multzotan banatu dituzte. Taldetxo bakoitzeko bi onenak pasatuko dira finalerdietara, eta finalak ekainean jokatuko dituzte, mutilen hiru mailekin batera.
Pasa den asteburuan nesken lau norgehiagokaren eta mutilen beste zortziren agertoki izan zen Madalensoro. Mutiletan, albiste —nagusiki— txarrak izan ziren oiartzuarrentzat, Torres eta Rotetak osatzen duten bikoteak zein Zapirain-Susperregik agur esan baitiote txapelketari. Getaria eta Juanesek eutsiko diote oiartzuarren banderari, eta ea finalerdietara iristen diren ikusi beharko da.
Nesketan, berriz, Leire Galdos da oiartzuarren ordezkaria. Muruarekin batera ari da, eta lehenengo partidan 25-13 nagusitu ziren. Hona hemen emaitza guztiak:
Mutilen Hirugarren Maila
- Izkierdo – Bengoetxea / Etxebeste – Aranguren: 17-25.
- Torres – Roteta / Imaz – Elizalde: 17-25.
- Lozano – Ferrero / Pujana – Pagoaga: 25-18.
- Garbisu – Martinez / Zapirain – Susperregi: 25-11.
- Agirre – Mendigain / Mikela – Txapei: 25-20.
Mutilen Bigarren Maila
- Txoperena – Ormaetxea / Murua – Arteaga: 25-15.
Mutilen Lehen Maila
- Salaberria – Huegun / Inda – Gastesi: 25-16.
- Irigoien Almandoz / Arrizabalaga – Lizarralde: 25-21.
Neskak
- Larrarte – Karrera / Balerdi – Albeniz: 25-18.
- Eizmendi II – Urdangarin / Iturrioz – Arrillaga: 25-15.
- Lasarte – Eizmendi I / Agirre – Eratsun: 17-25.
- Galdos – Murua / Ontsalo – Olano: 25-13.
