Oiartzungo hiru taldek beren liga bukatu dute asteburuan
Nesken bigarren taldeak futbolean, eta Oiartzunek eta Power Rangersek areto futbolean denboraldia bukatu dute, emaitza ezberdinekin.
Oiartzun KEko areto futbolekoak, aurreko partida batean. Denboraldiak aurrera egiten jarraitzen du, eta pasa den astean nesken futbol taldearen txanda izan ondoren, asteburu honetan hiru taldek bukatu dituzte liga erregularreko bere lanak.
Postu onenean geratu direnak areto futboleko Oiartzun taldeko jokalariak izan dira. Liderraren etxean jokatu zuten, Tolosan, eta jipoi galanta eman zieten. Garaipen horri esker, bigarren postuan sailkatu dira Gipuzkoako Lehen Mailan.
Power Rangersek atzo etxean jokatu zuen, eta ezin izan zuen irabazi. Denboraldi hasiera bikaina izan arren, sailkapeneko zulotik gertu bukatu dute, atzetik hasita hirugarren postuan.
Postu berean bukatu du nesken bigarren futbol taldeak. Hala ere, jaitsiera postuak hamasei puntura utzi dituzte.
Futbola
Gizonen Erregional Ohorezko Maila
- Mondragon-Oiartzun: 2-0.
Emakumeen Euskal Liga
- Pauldarrak-Oiartzun B: 4-0.
Gizonen Lehen Erregionala. Igoera Fasea.
- Oiartzun B-Segura Goierri: 0-0.
Emakumeen Gorengo Maila. Kopa.
- Herrerako Sporting-Oiartzun C: 0-7.
ARETO FUTBOLA
Gizonen Gipuzkoako Lehen Maila
- Teep Samaniego Orixe Tolosaldea-Oiartzun: 2-7.
Gizonen Gipuzkoako Bigarren Maila
- Power Rangers-Pizzeria B17: 2-7.
Gizonen Gipuzkoako Hirugarren Maila
- Miren Taberna-Tecnun: 4-2.
SASKIBALOIA
Gizonen Gipuzkoako Lehen Maila
- STL Azkune-Oiartzungo Saskilagunak: 80-57.
