Aurtengo Musikasten Jose Luis Ansorena gogoan
Ostiralean hasi eta hilaren 25era bitartean, musika garaikidea, antzinakoa, korala, sinfonikoa, ganberakoa, eta haurrentzako kontzertu didaktikoak.
Kalakan Ezin zen bestela izan. Jose Luis Ansorenaren omenezkoa izango da aurtengo Musikaste. Eresbilen sortzailea zendu berritan, derrigorrezkoa. Gaur goizean aurkeztu dute Musikaste, eta hala berretsi du musika artxibategiaren zuzendari Jon Baguesek programazio aurkezteari ekin aurretik.
Bestela, programazioan, kontzertu ugari, askotariko estilokoak, eta nabarmentzekoa, beste beste, Bilboko musikagileek izango duten protagonismoa. Joaquin Ojinaga (Bilbao, 1719 – Madril, 1759) gogoratuko dute Musikasten, azaldu dutenez “XVIII. mendeko teklako maisu hispanikoen ordezkari aipagarria”. Khantoria taldeak gogoratuko du Bilboko musikagilearen musika, igandean (hilak 19).
Horiez gain, antolatzaileek nabarmendu duten beste bat, “Ignacia Olaizola musikagilearen ezohiko kasua”. Emakume musikagileen lana agerian jartzeko ahaleginean ari da azken urteetan Musikaste, eta “ez ohiko kasu” hau bide horixe berrestera dator. Azaldu dutenez, duela egun gutxi hil den emakume honek 2019an ehun urte beteko lituzkeen emakume sortzailea izan da eta igandeko mezan zehar bere lanaren lagin bat entzuteko parada izango dela iragarri dute, Juan Bautista Elustiza, Dionisio Preciado edo Juan Mª Guelbenzuren obrekin batera.
Koruen Egunean (hilak 24), itzal handiko izenak aurtengoan. Kalakan izango da Errenterian, eta Iparraldeko hirukotearekin batera, Choeur Ascese abesbatza, Irungo Nayade abesbatza, etxeko Landarbaso, eta Cintruenigoko Virgen de la Paz korala.
Amaierako kontzertua, berriz, Bilboko Orkestra Sinfonikoak emango du.
Egitaraua eta informazio osagarria.
