Handiek ere jokatu behar dute arduraz
Udalak herriko supermerkatuak bisitatuko ditu hondakinen bereizketan hobekuntzak txertatzeko.
Supermerkatuetara bisitak egingo dituzte udal langileek hondakinen inguruan hobekuntzak txertatzeko. Herriko supermerkatuak bisitatuko ditu udalak. Helburua, hondakinak bereizteko hobekuntzak txertatzea. Azken horiek hondakin ugari sortzen dituzte, eta udalak beste hainbat sektore ekonomikori bezala horiei ere ingurumen araudi berria egoki aplikatzen lagunduko die. Horretarako datozen egunetan bisitak egitera joango dira supermerkatuetara. Udaletik jakinarazi duten moduan, langileak behar bezala identifikatuta joango dira eta aholkuak emango dizkiete hondakinen gaikako kudeaketaren gainean, baita zalantzak argitu ere.
2017ko urrian sartuz en indarrean Errenteriako Hondakinen Ordenantza, eta bertan onartu ziren ingurumena eta osasun publikoa babestearen aldeko aldaketa nabarmenak. Horien artean, etxebizitzetako eta jarduera ekonomikoetako hondakinak gaika biltzeko derrigorrezko sistema martxan jartzea, bereziki biohondakinari dagokionean.
