EH Bilduk bi hitzordu, eta PSE-EEk bat hauteskundeen harira
Hauteskunde kanpaina azken astean sartu da eta alderdiek jarraitzen dute ekitaldiak antolatzen han eta hemen.
Hauteskunde kanpaina azken astean sartu da eta alderdiek jarraitzen dute ekitaldiak antolatzen han eta hemen. EH Bilduk bi hitzordu izango ditu aste honetan, lehena gaur bertan, Gaztaño auzoan. Agintaldiaren balantzea eta proiektu berriak aurkeztuko dituzte 19:00etan hasita Bukagaitz elkarte parean Julen Mendozak eta Aizpea Otaegik.
Kolaizio subiranistaren hurrengo hitzordua, berriz, ostegunean (hilak 23). Ekitaldi politikoa egingo du Gamon Zumardian 19:00etan hasita eta Aizpea Otaegi alkategaiak, Juan Karlos Izagirre Ahaldun Nagusirako hautagaiak eta Maddalen Iriarte legebiltzarkideak hartuko dute hitza.
PSE-EE tren geltokian
PSE-EEk ere izango du ekitaldi politikoa ostegunean (hilak 23) 12:00etan. Alderdi sozialistak Lezo-Errenteriako tren geltokia aukeratu du, eta bertan arituko dira Denis Itxaso Ahaldun Nagusirako hautagaia, Marisol Garmendia Mugikortasun eta Lurralde Antolaketa diputatua, Jose Ignacio Asensio Ingurumen eta Obra Hidraulikoen diputatua eta Batzar Nagusietarako Oriako hautagaia, eta Mari Jose Telleria Deba-Urolako, Goizane Alvarez Bidasoa-Oiartzungo, eta Susana Garcia Chueca Donostialdeko Batzar nagusietarako hautagaiak.
