Irabaztera doaz
Azpeitian jokatuko du itzuliko partida Touringek larunbatean. Erregional Ohorezkoan jokatzeko irabazi egin behar dute gorritxoek.
Bihar eta etzi jokatuko dira bi hiruko txapelketak. Berdinketa izan zen Fanderiako zelaian larunbatean. Ondo jokatu zuten Touringekoak, eta gehiago merezi izan bazuten ere bana utzi zuten markagailua ez zutelako atearekin asmatu. Zaleak bikain. Azken urteetan ikusi gabeko irudia utzi zuten Fanderiako harmailak goraino beteta, eta giro paregabea jarrita eguraldia lagun izan ez bazuten ere. Klubaren esker ona jaso dute zaleek, “beren babesa indarra delako jokalarientzat”.
Bide horretan datorren asteburuari begira jarri eta elkartasuna eta babes hori erakusten jarraitzeko eskatu diete. Izan ere itzuliko partida jokatuko du Touringek larunbatean Azpeitian 16:30ean. Erregional Ohorezkora igarotzeko irabazi baino ezin du egin. Zaleen animoak ezinbestekoak dituztela jakitun, autobusa antolatu du klubak Azpeitira joateko. 15:00etan irtengo da Zumardiko autobus geltokitik eta doan izango da partidarako sarrera bezala.
Touringa animatzera joan nahi dutenek osteguna (hilak 23) baino lehenago eman behar dute izena Sindikato eta De Cyne Reyna tabernetan, , 688 602 810 telefono zenbakira whatsappa bidalita edo posta elektronikora mezua bidalita.
