Biribilgunea eraikitzeko lanak hasiko dituzte bihar Beraunen
Gaur egun, biribilgune erdia dago bertan, eta arazoak sortzen ditu oinezkoen eta ibilgailuen zirkulazioan.
Egun biribilgune erdia dago bertan. Bihar hasiko dituzte biribilgune berria egiteko lanak. Beraungo igerilekuaren parean, Esnabide kalean, biribilgunea eraikitzeko lanak bihar hasiko dituzte, eta hiru hilabete irautea aurreikusi du udalak. lanak direla eta, autobus geltokia metro batzuk mugituko da, eta horrenbestez, U1, U5, U6, E05, E15, E75, U11 eta U22 lineak metro batzuk aurrerago hartu beharko dituzte erabiltzaileek. Ez da trafikoan aldaketarik izango azken fasean hasi arte, asfaltatzen. Orduan emango du berri udalak.
Eremu horretan dagoen bidegurutzea nola birmoldatu definitu du udalak proiektu horren bidez. Gaur egun, biribilgune erdia dago bertan, eta arazoak sortzen ditu oinezkoen eta ibilgailuen zirkulazioan. Biribilgune berria eginda, ibilgailu zein oinezkoen zirkulazioa antolatu nahi du udalak, eta ondorioz, oinezkoen segurtasuna eta irisgarritasuna hobetzea, bertan urbanoen bi geltoki daudelako. Horrekin batera, autoak lasaiago eta modu ordenatuagoan igarotzea espero du udalak, eta gertuko kaleekin eta Murumendirekin lotura errazagoa izatea.
Errenteriako Oinezko eta Bizikleta bidezko mugikortasun planean aurreikusitako bideak lotzeko bidegorria ere proiektu horretan txertatu du udalak. Amaitzeko, proiektuarekin, 20 lerroko aparkaleku berri lortuko dituztela zehaztu du udalak.
