Herriartekoan, palistek aurrera egin dute, eta esku huskakoei zaildu egin zaie
Palistak tantoen aldeagatik nagusitu dira, eta esku huskako txapelketan ari direnek Astigarragan galdu dute. Hala ere, aukerak dituzte oraindik.
Txost taldeko Aizpuru. Tanto bakarragatik galdu zuten [Argazkia: Gipuzkoako Pilota Federazioa]. Gipuzkoako Herriarteko Pilota Txapelketak aurrera egiten jarraitzen. Oiartzungo palistek Ordizia garaitzea lortu dute. Hala ere, garaipenetan bina berdindu dute, eta tantoen aldea ikusita erabaki da nork egongo den finalerdietan. Oiartzuarrak izan dira, 142-127 irabazita. Larruzko paletan 29-35 nagusitu ziren oiartzuarrak, eta pala motzean 40-39 galdu zuten.
Esku huska ari direnak pasa den ostiralean hasi ziren, Astigarragan. Ez zuten hasiera ona izan, jokatutako hiru partidetatik bakarra irabazi baitute. Datorren asteburuan, Madalensoron, saiatu beharko dira markagailuari buelta ematen, zaila izango den arren. Honakoak izan ziren hiru partidetako emaitzak: kadeteetan, 22-5; Gazte Mailan, 12-22; eta seniorretan, 22-10.
