Mutilen txapelketako finalistetako batzuk erabaki dira asteburuan
Lau partida jokatu dituzte asteburuan, eta horietako bitan finalistak erabaki ziren. Nesketan partida bakarra jokatu da.
Zutik, Almandoz, Irigoien, Martin Maiz epailea, Antxordoki eta Martikorena. Makurtuta, Ferreiro, Lozano, Gurrutxaga eta Arrieta. Euskal Herriko Pala Txapelketa Irekiko gizonen Hirugarren Mailako finala zeintzuk jokatuko duten erabakita dago. Pasa den larunbatean lau partida jokatu zituzten Madalensoron, eta horietako bi Hirugarren Mailakoak izan ziren.
Arizmendi eta Arbelaitz oiartzuarrek osatutako bikoteak ezin izan zuen azkenaurreko partidarako txartela lortu. Imaz eta Elizalde Hernaniko bikoteak 14-25 irabazi zieten, txapelketari gustua hartua diotelako, eta finalerdietan egoteko aukera izango dute. Beste partidan, Gurrutxaga eta Arrieta elgoibartarrak izan ziren nagusi, eta horiek finalean izango dira.
Lehen Mailan, Irigoien eta Almandoz lesakarrak izango dira finalista izango diren bikoteetako bat. Eskualdeko kide dituzten Antxordoki eta Martikorena igantziarrak garaitu zituzten, ordu eta erdiko partida baten ondoren.
Nesketan, berriz, partidu osoan atzetik ibili ondoren, azken momentuan Ontsalo eta Olano aurrea hartu eta 25 eta 24 irabazi zioten Balerdi eta Albenizi. Ondorioz, galtzaileek, finalerdietara pasako diren ala ez jakiteko, beste emaitza batzuen esperoan geldituko dira. Esteka honetan sakatuta ikus daitezke emaitzak.
Finalerdi gehiago
Larunbata eta igandean mutilen kategorian falta diren finalerdiak jokatuko dituzte. Nesketan, ere bai, bi bikote finalistak erabakiko dira. Hori bai, lehenago —ostiral arratsean— Galdos-Murua eta Larrarte-Karrera arteko partidua jokatuko eta emaitzaren arabera, sailkapenean lehen eta bigarren zein gelditzen den finkatuko da. Hemen sakatuta irakur daiteke kartelera.
