Antxoko Azokan boto-ematea eten egin behar izan dute
Ahal Dugu-ren boto txartelak falta zirelako hartu dute erabakia
Pasai Antxoko Kultur Etxean gaur goizean bazen dezenteko mugimendua Eguraldia bezala, motel, baina badoa aurrera hauteskunde eguna. Normaltasuna ia erabatekoa izan da orain artean, eta inzidentzia bakarra Pasai Antxon gertatu da.
Azokan bost minutuz eten egin behar izan dute boto-ematea, ikuskatzaileak konturatu direlako Pasaiako Ahal Dugu- Equo Berdeek-en boto paperak falta zirela.
Ez ziren bakarrak. Faltan ere Europako Parlamenturako gutxiengoen hautagaitzen boto txartelak.
Bost minutuan konpondu dute egoera, bigarren hautets tokitik, kultur etxetik, falta ziren boto-txartelak ekarrita. Aktan gertaera jasota, berriz ere martxan Azokan.
San Pedron, Trintxerpen eta Donibanen, zentzu horretan nabarmentzekorik ez.
Lehen parte hartze datu ofizialak ezagutzeke, ikuskatzaileen inpresioa Antxon “jendea ari dela, badela mugimendua” eta Trintxerpen eta San Pedron, berriz, oraingoz “azken hauteskundeetan baino jende gutxiago ari ote den”. Baina, esandakoa, oraingoz inpresioak baino ez.
14:00etarako espero dira parte-hartzearen gaineko lehen datu ofizialak, eta horien berri ere emango du HITZAk.
