Hasi da aginte makila eskuratzeko lehia
Errenteria-Oreretako 30.640 herritar daude deituak gaur bozka ematera, aurreko udal hauteskundeetan baino 360 herritar gutxiago, hamabost auzoetan banatutako 48 hautes mahaietan.
Bederatzietan zabaldu berri dituzte hauteslekuak. Errenteria-Oreretako 30.640 herritar daude deituak gaur bozka ematera, aurreko udal hauteskundeetan baino 360 herritar gutxiago, eta horietako bakoitzak hiru boto paper aukeratu beharko ditu: udalerako, foru aldundirako eta Europako Parlamenturako.
Herriko hamabost auzoetan, 48 hautes mahai izango dira, guztira. Egunak luze joko duela aurreikusi daiteke, eta botoen kontaketa luzatuko dela, lehenik Europako Parlamenturako bozkak kontatuko dituztelako. 21 eserleku daude jokoan eta aginte makil bakarra, errenteriarrek erabakiko dute nor eta non eseriko den.
