Parte hartzeak gora, baina oso gutxi
0,82 puntuan igo da Espainiako Gobernuak 18:00etan eman dituen datu ofizialen arabera; bozkatzera deituta zirenen %49,30 herritar hurbildu dira hautes eskoletara, 2015ean, %48,48 izan ziren.
Haur bat gurasoen boto-txartela hautetsontzian sartzen. Gora egin du parte hartzeak Errenteria-Oreretan, baina ezta puntu batean ere. Zehazki, 0,82 puntuan igo da Espainiako Gobernuak 18:00etan eman dituen datu ofizialen arabera; bozkatzera deituta zirenen %49,30 herritar hurbildu dira hautes eskoletara, 2015ean, %48,48 izan ziren. Ordubete exkax falta da hautes eskolak ixteko, eta azken ordukoren bat geldituko da oraindik ere ziurrenik. Hortik aurrera luze joko duela bozken kontaketak aurreikusi daiteke. Europakoak, udalekoak, eta foru aldundiko bozka-paperak kontatu beharko dituzte, hiru guztira, eta horrek luzatu egingo du prozesua.
Arratsaldean ere lasai ari dira bozkatzen errenteriarrak, ez da inongo gertakaririk izan eta normaltasun giroa izan da nagusi, goizean bezalaxe.
