Rukula, Tooth eta 7th Story Millers, OarsoMusikaren denboraldia amaitzeko
OarsoMusikak denboraldiko azken kontzertua egingo du larunbatean. Rukula, Tooth eta 7th Story Millers aukeratu ditu azken kontzertu horretarako.
7th Story Millers taldearen lehen kontzertua izango da larunbatekoa. Gogorretik amaituko du denboraldia OarsoMusikak. Larunbatean, ekainaren 1ean izango da azken kontzertu hori eta Rukula, Tooth eta 7th Story Millers taldeak arituko dira oholtza gainean. Musika0 instrumentala egiten du Rukulak. Funk, rock, stoner techno estiloak eta doinu dantzagarriak nahasten dituzte.
Tooth gernikarrak berriz, post hardcore taldea dira eta gaztetxe, taberna eta antzokietan aritu dira. Espainiako Estatura eta Europara ere heldu dira 2016an Bi diskoa kaleratu zuenetik. Iaz, amaierarik ez azken lana kaleratu zuen eta hura aurkezten dabiltza gernikarrak.
Hardrock talde berria da 7th Story Millers. Oreretarrez eta donostiarrez osatua, larunbatekoa taldearen lehen kontzertua izango da aurretik taldekide guztiek esperientzia handia badute ere oholtza gainean.
Niessen Kulturgunean izango da kontzertua, larunbatean (ekainak 1), 21:30ean hasita. sarrerak, 8 euroan daude salgai.
