Asteartean hasiko dira Altzibarko danborrada entseatzen
Sanpedroetarako prestatzen hasiko dira danborradakoak. Astearte eta ostegunetan elkartuko dira, eta 26 izango da entsegu nagusia.
Sanpedroak iristeko hilabete eskas falta da, eta horregatik, Altzibarko Festa Batzordea ari da auzoko festetarakoak prestatzen. Datorren asteartean, hilak 4, hasiko dira danborrak astintzen. Goiko eskolan geratuko dira, 19:30ean.
Astearte eta ostegunetan elkartuko dira datozen hiru asteetan, eta entsegu nagusia ekainaren 26an —asteazkenarekin— egingo dute.
Gogorarazi dutenez, sei urte arteko haurrak sukaldariz jantzita aterako dira, eta 6 eta 10 urte artekoak danborrari lanetan, baina heldu batek lagunduta.
