Emakumeen Etxeak amarauna egiten segituko du
Bi aurkezpen, antzezlana, batzarra eta hitzaldiarekin osatu du eskaintza Emakumeen Etxeak hilabete honetarako.
Emakumeen Etxean aurretik egindako beste mahai inguru bat. Konplizitateak ehuntzen, eta batez ere emakumeei ahalduntzerako tresnak ematen jarraituko du Emakumeen etxeak. Horren harira, egitaraua osatu du hilabete honetarako, eta guztira, bost proposamenekin heldu da. aste honetan bertan, asteazkenarekin Komunitateak ehunduz herri ekimenetatik ikerketa aurkeztuko dute bertan 18:00etan hasita.
Errenteriako Emakumeen Etxea ikerketaren parte izan da, eta Afit Antropologia Feminista Ikertaldeko kideek, amaia Agirre, Margaret Bullen, Irantzu Fernandez eta Maria Ruizek egindako ikerketaren ondorioak aurkeztuko, zehazki.
Hilaren 11n (asteartea) Emakumeen Etxeko asanblada egingo dute, 18:00etan hasita hori ere. Emakumeen Etxearen prozesuan parte hartu duten emakumeak zein hura ezagutu nahi dutenak deitu dituzte parte hartzera. Hilaren 13an, (ostegunarekin) antolatu dute hirugarren hitzordua. Azalean sexu aholkularitza zerbitzuaren eskutik, hilerokoaren gainean mintzatuko dira. Hilerokoak emakumeengan duen eragina eta emakumeen ezaugarri propio bezala duen garrantzia nabarmenduko dute.
LGTBI herritarren errealitatearen gaineko diagnostikoaren aurkezpena hartuko du Emakumeen Etxeak hilaren 14an 18:00etan hasita, berriz, ErrenferenteEkin goiburuarekin. Aurkezpenaren ostean musika eta zizka mizkak izango direla jakinarazi dute. Azken hitzordua, hilaren 20an helduko da. Egun horretarako Eskola Feministari amaiera emateko jardunaldia antolatu dute. World kafearen datorren ikasturteari begirako proposamenak jasoko dituzte, eta 18:30ean, Victoria Moon y la maleta de las olvidadas antzezlana izango da Lur Usabiagaren eskutik.
