[Galeria] Presioa egiten jarraitzera deitu du Duintasunak
Amaitu berri diren bi hauteskunde kanpainatan pentsioak duintzearen aldeko mezu eta proposamenak entzun direla, baina "agindutako horien berririk" ez dutela salatu dute.
Duintasunak kalean jarraitzera deitu du. Kalean jarraitzera deitu du Duintasunak. Argi du hori dela pentsiodunen eta jubilatuen kolektiboaren aldarrikapenak erdiesteko bidea, eta pentsio duinak eta horrenbestez, zahartzaro duina. Urrun ikusten du oraindik, ordea, elkarteak eta presioa egiten jarraitzera deitu du. Hileko lehen astelehenero bezala kaleak hartu dituzte gaur, berriz ere. Bertan jarraituko dute, kalean, eta horretara deitu dituzte pentsiodun eta jubilatuak, baina baita gazteak ere, pentsioena ez baita beren arazoa soilik, gazteena, langileena eta batez ere emakumeena ere bada. Kolore berezia jarri diote mobilizazioari, izan ere bildutako asko eta askok, 1.080 zenbakia zuen bisera horia zuten jantzia.
Amaitu berri diren bi hauteskunde kanpainatan pentsioak duintzearen aldeko mezu eta proposamenak entzun direla, baina “agindutako horien berririk” ez dutela salatu dute: “Entzun dugu pentsioak KPIaren arabera igoko dituztela, pentsio baxuenak igoz; jasangarritasun faktorea ezabatuko dutela ere agindu dute, baita neurriak hartuko dituztela Gizarte Segurantzaren defizita epe moztean lehengoratzeko ere. Promesak baino ez dira. Ez dago egi bihurtuko diren zantzurik. Kontrakoa, gure aldarrikapenetatik oso urrun daude”.
Aldarrikapenak kalera ateratzera bultzatu zituzten berak izaten jarraitzen dute urteak pasa badira ere: 1.080ko gutxieneko pentsioa; 1.200 euroko lanbidearteko gutxieneko soldata; pentsio sistema publikoa eta propioa; Gutxienezko KPIaren araberako igoerak; 2011 eta 2013ko erreformak ezabatzea; soldata arrakalarekin amaitzea. Guztiak, bere horretan diraute.
Argi esan dute, enegarrenez, “gobernuan dagoena dagoela, pentsioak defendatzen jarraituko dugu”.
