[Galeria] Nork ez du maite festa?
Zabarre eta Maria Labaienen etorrerarekin hasi dira gaur arratsaldean Lezoko Mendekoste Jaiak. Igandera arte luzatuko dira.
Zabarre, bandera astintzen. Hasi dira Lezoko lehen festak, mendekosteak. Zabarre iritsi da. Eta harekin batera, aurtengo sorpresa, Maria Labaien. Herriko sagardogilea, garai batean itsaso urrunetara joaten ziren marinelei sagardoa saltzen ziena. Bada hark ere mendekosteetan egon nahi du. Eta agindu du sagardoa erruz ekarriko duela jaiak bitartean herria. Hala bedi.
Badiatik Lezoko kaira iritsi dira Zabarre, Maria Labaien, eta haien segizioa. Txantxa giroan, pozik. Harro samar, agian. Esperoan zeuden lezoarrek arretaz begiratu dute ea han urrunetik zetorren ontzia piratarena ote zen. Bai, hala zen. Lezon zegoen jada. 18:00ak inguru ziren. Eta kaitik, plazara festa. Han, ehunka lezoar, jaiak hasi gosez. Nork ez du maite bada, festa?
Ane Vicente Oiaga eta Julen Hernandez Macho alkate txikiek onena opa izan diete lezoarrei, festak giro onean eta errespetuz igaro ditzatela eskatu dute haien hizketaldian. Lasai asko hitz egin dute plaza beteta zuten herritarren aurrean. Haiek ere, pirataz jantzita, pozik. Hasi dira festak, suziriak eztanda egin baino lehenago gainera. A zer giroa gaur Lezon.
Eta bihar eta etzi, mendekoste gehiago. Egitaraua, argazki galeria honen behaldean. Nork ez du maite festa? Bada Lezon, bada festarako aukera, aparta gainera.
Ekainak 8, larunbata
- 9:30: Diana eskualdeko dultzaineroekin.
- 10:00: Lezo Herri Eskolako patioko muralaren margoketa.
- 10:00: Toka eta bote txapelketa Goiko plazan.
- 12:00: Buruhandi eta Erraldoien kalejira Munttar txistulari taldearekin Bekoerrota kiroldegitik abiatuta.
- 12:00: XX.mende hasierako erromerien dantzak herrian zehar.
- 13:00: Musika Eskolako banda eta Lezoko Dantzazaleen emanaldia Gurutze Santuaren plazan.
- 16:00: Truk txapelketa Tiñelu elkartean.
- 17:00: Xake txapelketa kaialdeko arkupetan.
- 17:30: Pilota eskolako partidak: alebinak eta infantilak, Josetxo Etxandi frontoian.
- 18:00: Muxikoak herrian zehar.
- 19:00: Buruhandi eta erraldoien kalejira Munttar txistulari taldearekin Bekoerrota kiroldegitik abiatuta.
- 19:00: Pintxopotea Karlos Saldise plazan.
- 19:30: The Bane, Ordu Txarra, The Jaig eta Half 8 Tomas Garbizu Musika Eskolako
taldeen kontzertua. - 22:00: Zezen suzkoa Gurutze Santuaren plazan.
- 23:30: Kontzertuak Karlos Saldise plazan: Gonapeka, MCOnak eta Las Tea Party.
Ekainak 9, igandea:
- 9:30: Diana Eskualdeko dultzaineroekin.
- 10:30: Pintxo lehiaketa haur eta gaztetxoentzat Karlos Saldise plazan.
- 12:00: Herri kirolen erakustaldia Gurutze Santuaren plazan. Iban Ugartemendia harrian, eta Jon Etxeberria eta Aratz Mugerza aizkora lanetan. Karmele Gisasola txingak eta harria.
- 12:00: Buruhandi eta Erraldoien kalejira Munttar txistulari taldearekin, Karlos Saldise plazatik abiatuta.
- 16:00: Altxorraren bila. Irteera Gurutze Santuaren plazatik. Mozorrotuak etorri!!
- 17:30: Tio Teronen Semeak: Festamendua dantza emanaldia.
- 19:30: Eztanga anai-arrebak Trikitrilariak.
- 21:45: Zezen suzkoa Tomas Garbizu Lezoko Udalaren Musika Eskolako bandarekin Gurutze Santuaren plazan.
