Gipuzkoako kostaldeko behatoki pribilegiatutik begira
San Marko Gotorlekuak zabaldu ditu ateak berriz ere. Bizarainen kokatuta, Gipuzkoako kostaldeko behatoki pribilegiatua da, eta bertaratzen diren bisitariek aukera paregabea izaten dute inguru zoragarriaz gozatzeko.
San Marko Gotorlekuak zabaldu ditu ateak berriz ere. Bizarainen kokatuta, Gipuzkoako kostaldeko behatoki pribilegiatua da, eta bertaratzen diren bisitariek aukera paregabea izaten dute inguru zoragarriaz gozatzeko. Ez hori bakarrik, gotorlekuaren barrualdea ikusteko aukera ere izango dute.
Asteazkenetik igandera dago zabalik gotorlekua 10:00etatik 14;00etara eta 16:00etatik 18:00etara. Ordutegi horren barruan museoa bisitatu daiteke modu librean (doan) edo bisita gidatuaren bitartez (2-3 euro artean). Poternatik du sarbidea museoak, eta bertan, artilleria bateria ezkutuak, tunelak, eta gotorlekua inguratzen duen lubanarroa defendatzeko kaponerak ikus daitezke.
Hirigune historikotik kilometro gutxira, XIX. mendeko gotorlekua Lau Haizeta parkearen barruan kokatuta dago. 600 hektareako naturagune babestuak karlistada garaira daramaten oroigarri militarrak, antzinako ameztiak, anfibioentzako urmaelak eta Txoritokietako estazio megalitikoak bat egiten dute. Oarsoaldeko begiratoki nagusia ere bada, eta beratik Pasaiako, Kontxako eta Txingudiko badiak ikus daitezke. Kanpoaldean berriz, aisialdirako guneak ditu, haur jolasak eta mahaiak familian edota lagun giroan inguruaz gozatzeko.
